Երեւան: Մեդիամաքս: UWC Dilijan քոլեջի կառավարման խորհրդի ընտրել է կրթական հաստատության հետագա զարգացման մոդելը:

Այդ մասին ասված է UWC Dilijan քոլեջի կառավարման խորհրդի հաղորդագրության մեջ, որը ներկայացված է ստորեւ.

«2013 թ.-ի հուլիսին նշանակվելով UWC Dilijan քոլեջի հիմնադիր տնօրենի պաշտոնում՝ Ջոն Փադըֆութն այս երեք տարիների ընթացքում քրտնաջան աշխատել է, որպեսզի այն դառնա այս տարածաշրջանի առաջատար ուսումնական հաստատությունը: Նա եւ իր ստեղծած եւ առաջնորդած թիմն արդեն վերածել են քոլեջը Կովկասում գերազանցության առաջամարտիկի:    

Զարգացման հետագա փուլի ուսումնասիրության ընթացքում քոլեջի կառավարման խորհուրդը դիտարկել է զարգացման մի քանի մոդելներ: Ըստ ընտրված մոդելի՝ դպրոցը հետագայում ավելի է ինտեգրվելու հայաստանյան համատեքստում, ինչպես նաեւ ներգրավվելու է IDeA եւ RVVZ հիմնադրամների գործունեության ու նպատակների, այդ թվում իրականացվող ծրագրերի մեջ:

Կառավարման խորհուրդը գտնում է, որ այժմ հարմար պահ է դպրոցի ղեկավարության փոփոխության համար՝ այս նոր առաջնահերթությունները արտացոլելու համար: Ուստի, փոխադարձ համաձայնության արդյունքում, որոշվել է, որ այս ուսումնական տարվա ավարտից հետո Ջոն Փադըֆութը կթողնի UWC Dilijan քոլեջի տնօրենի պաշտոնը: 

Խորհուրդը մոտ ժամանակներս կնշանակի դպրոցի ժամանակավոր ղեկավարին, ով կստանձնի այդ պաշտոնը հուլիսի 1-ից: Ավելի ուշ նա կփոխանցի այն Ջոն Փադըֆութի մշտական հետնորդին, որը կնշանակվի մանրակրկիտ ընտրության արդյունքում:

«Կառավարման խորհրդի անունից ցանկանում եմ անկեղծ երախտագիտություն հայտնել Ջոն Փադըֆութին այս երեք տարիների ընթացքում UWC Dilijan քոլեջում իրականացրած աշխատանքի եւ նվաճումների համար, եւ նրան ցանկանալ ամենալավն իր հետագա գործունեության մեջ»,- ասել է UWC Dilijan քոլեջի  կառավարման խորհրդի ղեկավար Վերոնիկա Զոնաբենդը: