Երեւան: Մեդիամաքս: Լիտվայի Կլայպեդա քաղաքի LCC միջազգային համալսարանում կայացած անգլերեն լեզվի հռետորական արվեստին նվիրված ամենամյա մրցույթի եզրափակչում հայաստանցի երկու աշակերտները զբաղեցրել են երկրորդ եւ երրորդ հորիզոնականները:
Ինչպես Մեդիամաքսին հայտնել են Հայաստանում Լիտվայի դեսպանատնից, երկրորդ տեղը զբաղեցրել է Երեւանի պետական բժշկական համալսարանի «Հերացի» ավագ դպրոցի սան Բաղդասար Գրիգորյանը: Նա Լիտվայում անգլերեն լեզվի ամառային անվճար դասընթացի մասնակցության հնարավորություն է ստացել:
Երրորդ տեղը զբաղեցրել է Արարատի թիվ 3 միջնակարգ դպրոցի աշակերտ Նիկոլայ Նասոնովը:
Մրցույթում հաղթել է լատվիացի աշակերտը, որը հնարավորություն է ստացել մեկ կիսամյակ անվճար սովորելու LCC համալսարանում:
Հայաստանն այս տարի մրցույթին մասնակցում էր առաջին անգամ:
Մրցույթի հայաստանյան փուլը կայացել էր փետրվարի 24-ին, մասնակցել էր ավագ դպրոցի 42 աշակերտ:
Մեդիամաքսի հետ զրույցում LCC համալսարանի ռեկտոր Մառլեն Ուոլը նշել էր, որ սա LCC-ի՝ Հայաստանի հետ համագործակցության առաջին քայլն է:
«Կարծում եմ՝ Հայաստանի հետ երկարաժամկետ հարաբերությունների կառուցման ընթացքում կարող ենք մտածել Հայաստանի լավագույն դպրոցականների համար հատուկ կրթաթոշակներ ստեղծելու մասին, որպեսզի նրանք շարունակեն կրթությունը մեր համալսարանում: Ակնկալում ենք նաեւ ավելի շատ հայերի տեսնել մեր համալսարանում»,- ասել էր Մառլեն Ուոլը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: