Երեւան: Մեդիամաքս: Հայաստանը Մարդու իրավունքների եվրոպական դատարանի վճիռների կատարման հարցում 2016թ. մի շարք ձեռքբերումներ է արձանագրել:
Այս մասին ասված Եվրոպայի խորհրդի՝ այսօր հրապարակած զեկույցում։
Վերջինի համաձայն՝ Հայաստանը, մասնավորապես, առաջընթաց է գրանցել հետեւյալ կետերով՝ անվտանգության ուժերի գործողություններ եւ հետաքննության արդյունավետություն, անվտանգության ուժերի կողմից վնասների եւ հատկապես ոչ նյութական վնասների փոխհատուցում, դատական որոշումների հիմնավորվածություն, խաղաղ հավաքների համար իրավական շրջանակի սահմանում:
2016-ին ՄԻԵԴ-ը քննել է Հայաստանի ներկայացրած 10 նոր գործ, իսկ 2015-ին այդ թիվը կազմել է 8։ Նոր գործեր ներկայացրած երկրների շարքում առաջատարներն են Ռուսաստանը (283), Ռումինիան (151), Հունաստանը (121), Թուրքիան (114) եւ Ուկրաինան (99)։
2016թ. Հայաստանը փակել է 16 գործ, իսկ 2015-ին՝ 17 գործ։
Ըստ զեկույցի՝ Հայաստանը 10 վճռի կատարման հարցում բարեխղճորեն պահպանել է վճարման վերջնաժամկետները։
ՄԻԵԴ-ում գործերի կատարման միջին տեւողությունը 4,7 տարի է, Հայաստանի համապատասխան ցուցիչը 3,5 տարի է։
ՄԵԴԻԱՄԱՔՍ
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: