Երեւան: Մեդիամաքս: ՀՀ Ազգային Ժողովի նախագահ Արա Բաբլոյանը եւ Հարավային Կովկասում եւ Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայն այսօր քննարկել են Հայաստանի եւ դաշինքի կապերը:
Ազգային Ժողովից հայտնում են, որ Արա Բաբլոյանը կարեւորել է Հայաստանի մասնակցությունը Կոսովոյում եւ Աֆղանստանում խաղաղապահ գործողություններին:
«Խաղաղապահ գործողությունների շնորհիվ մեր կարեւոր ներդրումն ենք ունենում միջազգային խաղաղության եւ անվտանգության ապահովման գործում», - ասել է նա:
ԱԺ նախագահը նշել է, որ Հայաստանը մտադիր է ավելացնել ՆԱՏՕ-ի հետ իր համագործակցության ներկայիս տեմպը:
Այսօր Ջեյմս Ապատուրայի հետ հանդիպել է նաեւ ՀՀ արտակարգ իրավիճակների նախարար Դավիթ Տոնոյանը:
Հանդիպման ընթացքում քննարկվել են աղետների ռիսկի նվազեցման, երկրի դիմակայունության և քաղաքացիական ենթակառուցվածքների պատրաստվածության մակարդակի բարձրացման ուղղություններով Հայաստան-ՆԱՏՕ համագործակցության ընդլայնումը:
Ջեյմս Ապատուրայը եւ Դավիթ Տոնոյանը քննարկել են նաեւ տարածաշրջանային համագործակցության անհրաժեշտությունը՝ ՆԱՏՕ-ի մեխանիզմների կիրառությամբ:
«Տարածաշրջանային համագործակցության ոլորտում մենք բաց ենք բոլոր գործընկերների համար, քանի որ գտնվում ենք աղետավտանգ նույն աշխարհագրական միջավայրում»,- նշել է Դավիթ Տոնոյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: