Երեւան: Մեդիամաքս: ՀՀ նախագահ Սերժ Սարգսյանը Ռուսաստանի ղեկավար Վլադիմիր Պուտինին շնորհակալություն է հայտնել անտառային հրդեհների մարման համար ցուցաբերված օգնության համար:
Օգոստոսի 23-ին Սոչիում կայացած հանդիպման ժամանակ Սերժ Սարգսյանն ասել է, որ «հայ-ռուսական ռազմավարական դաշնակցային հարաբերություններն առանձնանում են բարձր մակարդակի մշտական ինտենսիվ երկխոսությամբ, արտաքին քաղաքական լայն համակարգմամբ, միջազգային եւ տարածաշրջանային հարթակներում արդյունավետ համագործակցությամբ, անվտանգության, ռազմական եւ ռազմատեխնիկական ոլորտներում արգասաբեր համագործակցությամբ»:
Սերժ Սարգսյանը նշել է, որ աշնանը Ռուսաստանի 13 քաղաքներում կանցկացվեն Հայաստանի օրերը:
Վլադիմիր Պուտինն իր խոսքում նշել է, որ այս տարի լրացել է երկու երկրների միջեւ դիվանագիտական հարաբերությունների հաստատման 25-ամյակը, իսկ «օգոստոսի 29-ին, կլրանա առանցքային՝ Բարեկամության, համագործակցության եւ փոխադարձ օգնության մասին պայմանագրի ստորագրման 20-ամյակը»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: