Երեւան: Մեդիամաքս: ՀՀ ԱԳ նախարար Էդվարդ Նալբանդյանն այսօր ասել է, որ ԵԱՀԿ Մինսկի խմբի եռանախագահները Հայաստանի եւ Ադրբեջանի ԱԳ նախարարներին հերթական հանդիպման առաջարկ են արել։
Այս մասին Էդվարդ Նալբանդյանն ասել է 2016թ. դիվանագիտական տարվա ամփոփմանը նվիրված մամուլի ասուլիսում։
Նալբանդյանը նշել է, որ հանդիպումը հնարավոր է կայանա փետրվարի 17-19-ը նախատեսված Մյունխենի անվտանգության կոնֆերանսի շրջանակում։
«Մենք, իհարկե, երբեւէ չենք հրաժարվում արտգործնախարարների կամ այլ մակարդակներով հանդիպումներից»,- ասել է ՀՀ ԱԳ նախարարը։
Այդուհանդերձ նա ընդգծել է, որ չի կարող հաստատել, որ հանդիպումը կկայանա, քանի որ դժվար է ասել, թե «Ադրբեջանն այս անգամ ինչ կմոգոնի»։
Էդվարդ Նալբանդյանը նկատել է, որ Ադրբեջանը փորձում է խոչընդոտել Հայաստանի եւ եռանախագահերի ջանքերին՝ հարցականի տակ դնելով Վիեննայի եւ Սանկտ Պետերբուրգի պայմանավորվածությունները։
Նախարարը շեշտել է, որ բանակցություններին այլընտրանք չկա։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: