Երեւան: Մեդիամաքս: ՀՀ պաշտպանության նախարար Վիգեն Սարգսյանն այսօր ասել է, որ առաջիկա խորհրդարանական ընտրություններին մասնակցելու է նախընտրական քարոզարշավին որպես ՀՀԿ անդամ:
«Մասնակցելու եմ այն ծավալով, որով կուսակցությունը նպատակահարմար կգտնի»,-ասել է նախարարը` հանդես գալով ՀՀ Զինված ուժերի կազմավորման 25-ամյակին նվիրված մամուլի ասուլիսում:
Վիգեն Սարգսյանը նշել է, որ քարոզարշավին իր մասնակցությունը կկազմակերպի այնպես, որ չխախտվի օրենքի տառն ու ոգին եւ չխանգարի իր աշխատանքային գործունեությանը:
Նախարարը հույս է հայտնել, որ առաջիկա ընտրություններում կկարողանա ապահովել այնպիսի արդյունք, որը թույլ կտա իրեն առաջիկա տարիներին շարունակել աշխատել պաշտպանության նախարարությունում:
«Շատ անելիքներ եմ տեսնում այստեղ եւ հույս ունեմ, որ ժամանակ կունենամ իրականացնել այդ անելիքները»,- նշել է Վիգեն Սարգսյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: