Երեւան: Մեդիամաքս: ՀՀ ընտրատեղամասերում տեղադրված տեսախցիկներով առցանց հեռարձակման համակարգի աշխատանքը վերականգնվել է:

Վաղ առավոտից Electionsonline.am կայքում հեռարձակումը բացակայում էր:

ՀՀ Կենտրոնական ընտրական հանձնաժողովի նախագահ Տիգրան Մուկուչյանի պարզաբանմամբ՝ պատճառը տեխնիկական խնդիրներն էին:

Եվրամիությունը Հայաստանին տրամադրել էր €7 մլն, որից €4 մլն-ը՝ էլեկտրոնային գրանցման համակարգի ներդրման համար: Եվս €2 մլն տրամադրվել էր ընտրական տեղամասերի 95%-ում տեսախցիկների տեղադրման եւ ուղիղ հեռարձակում ապահովելու համար: