Երեւան: Մեդիամաքս: Ժամը 18:00-ի դրությամբ ՀՀ գլխավոր դատախազության աշխատանքային խումբն ուսումնասիրել է քվեարկության ընթացքում ընտրական իրավախախտումների վերաբերյալ 1317 հրապարակում:

Դատախազության տարածած հաղորդագրության համաձայն՝ ուսումնասիրված հրապարակումներից ընտրական բնույթի հանցագործության հատկանիշներ են պարունակել 226-ը:

Այդ հաղորդումներից 82-ը վերաբերել են այլ անձի փոխարեն կամ կրկին անգամ քվեարկելու դեպքերին, 43-ը՝ քվեարկության գաղտնիության խախտմանը, 28 քաղաքացու ընտրական իրավունքի ազատ իրականացմանը, ԶԼՄ ներկայացուցչի, վստահված անձի, դիտորդի, հանձնաժողովի աշխատանքային գործուներությանը խոչնդոտելուն, 64-ը՝ ընտրողի կամքի ազատ իրականացմանը խոչնդոտելուն, 9-ը՝ ընտրակաշառք տալուն:

226 հաղորդումներն ուղարկվել են ՀՀ ոստիկանություն եւ Քննչական կոմիտե: