Երեւան: Մեդիամաքս: Նախնական տվյալներով՝ ապրիլի 2-ի խորհրդարանական ընտրություններին մասնակցել է 1 574 947 ընտրող կամ ընտրողների 60,86%-ը:

Էլեկտրոնային եղանակով ստացված տեղեկությունները հայտնել է ՀՀ Կենտրոնական ընտրական հանձնաժողովի նախագահ Տիգրան Մուկուչյանը:

Լուսանկարը` ԿԸՀ/Մեդիամաքս

Հայաստանում գրանցված է քվեարկելու իրավունք ունեցող 2 587 706 ընտրող:

Երեւանում քվեարկելու իրավունք ունեցող 845 804 ընտրողից քվեարկությանը մասնակցել է 494 455 ընտրող կամ ընտրողների 58,46%-ը:

2012թ. մայիսի 6-ի խորհրդարանական ընտրություններին մասնակցել էր ընտրողների ընդհանուր թվի 62,26%-ը, իսկ 2007թ.՝ 57%-ը: