Երեւան: Մեդիամաքս: ԵԱՀԿ/ԺՀՄԻԳ դիտորդական առաքելության ղեկավար Յան Պետերսենն այսօր ասել է, որ Հայաստանում լավ ընտրությունների կազմակերպման համար միայն նոր տեխնիկական սարքավորումների առկայությունը բավարար չէ։
«Որոշ կուսակցություններ շարունակում են պահպանել իրենց նախկին գործելաոճը»,- լրագրողների հետ հանդիպմանն ասել է Յան Պետերսենը։
Նա խուսափել է հրապարակել այդ կուսակցությունների անունները՝ նշելով, «որ բավարար ապացույցներ չունեն»։
«Մենք ամեն ինչ նկատում եւ արձանագրում ենք, սակայն չենք կարող գնալ եւ հարցնել, թե այս կամ այն անձը ինչ է անում ընտրատեղամասի շրջակայքում»,- ասել է ԵԱՀԿ/ԺՀՄԻԳ առաքելության ղեկավարը։
Յան Պետերսենն ընդգծել է, որ Հայաստանի քաղաքացիները պետք է «փորձեն ինստիտուցիոնալ ուղիներով բարձրաձայնել առկա խնդիրների մասին եւ ավելի ակտիվ լինեն»։
Նա նշել է, որ ընտրությունները միայն քվեարկության օրով չեն սահմանափակվում, եւ իր ղեկավարած թիմը շարունակելու է հետեւել արձանագրված բոլոր խախտումների ընթացքին։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: