Երեւան: Մեդիամաքս: «Ելք» խմբակցության ղեկավար, վարչապետի թեկնածու Նիկոլ Փաշինյանն այսօր ասել է, որ արտահերթ ընտրությունների անցկացումը լինելու է նոր կառավարության առաջնահերթությունը:
Ելույթ ունենալով Ազգային ժողովի հատուկ նիստում, Նիկոլ Փաշինյանն ասել է, որ քաղաքական գործընթացները սկսեցին սխալ ճանապարհով գնալ այն պահից, երբ Հայաստանում սկսեցին կեղծվել ընտրությունների արդյունքները:
Վարչապետի թեկնածուն ասել է, որ նոր կառավարությունը արտահերթ ընտրություններ կկազմակերպի «տրամաբանական սեղմ ժամկետներում»:
Նիկոլ Փաշինյանը տեղեկացրել է, որ արդեն հանդիպումներ է ունեցել մասնագիտացված կազմակերպությունների ներկայացուցիչների հետ եւ քննարկել է ընտրական համակարգի բարեփոխման օրենսդրական եւ տեխնիկական հարցեր:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: