Երեւան: Մեդիամաքս: «Փոլիսի Ֆորում Արմենիա» հետազոտական կենտրոնը, «Թրանսփարենսի Ինթերնեշնլ հակակոռուպցիոն կենտրոն» ՀԿ-ը եւ «Քաղաքացի դիտորդ» նախաձեռնությունը՝ Ժողովրդավարության եվրոպական հիմնադրամի աջակցությամբ ստեղծել են «Ընտրակեղծարարների պատ» տվյալների շտեմարանը։
Այն ներառում է 2015թ. դեկտեմբերի 6-ի սահմանադրական հանրաքվեի ընթացքում ընտրակեղծարարության մեջ ներգրավված 72 անձանց եւ նրանց կատարած ընտրախախտումների վերաբերյալ տեղեկատվություն։
Ընտրակեղծարարների ցուցակը ներառում է ընտրական հանձնաժողովների անդամների, վստահված անձանց, ինչպես նաեւ կողմնակի անձանց։
Ընտրակեղծարարների պատը պարունակում է ընտրակեղծարարների վերաբերյալ հետեւյալ տվյալները՝ մասնագիտությունը, աշխատանքի վայրը, զբաղեցրած պաշտոնը, լուսանկարը, ընտրատեղամասը, որտեղ կատարվել է խախտումը, ընտրախախտման նկարագրությունը, խախտման փաստով բողոքարկումը կամ քրեական գործի հարուցումը եւ ընթացքը՝ փաստարկված համապատասխան տեսանյութերով կամ լուսանկարներով:
Օգտագործվել են ինչպես «Քաղաքացի դիտորդ» նախաձեռնության դիտորդների արձանագրած, այնպես էլ զանգվածային լրատվամիջոցներով լուսաբանված ընտրախախտումների դեպքերը եւ դրանց վերաբերյալ իրավապահ մարմինների հրապարակած պաշտոնական տվյալները։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: