Երեւան: Մեդիամաքս: Ապրիլի 2-ի ժամը 14:00-ի դրությամբ 2017թ. խորհրդարանական ընտրությունների քվեարկությանը մասնակցել է քվեարկելու իրավունք ունեցող 865 884 ընտրող կամ ընտրողների 33,46 %-ը:

Էլեկտրոնային եղանակով ստացված տեղեկությունները հայտնել է ՀՀ Կենտրոնական ընտրական հանձնաժողովի անդամ Սեյրան Շահսուվարյանը:

Լուսանկարը` ԿԸՀ/Մեդիամաքս

Հայաստանում գրանցված է քվեարկելու իրավունք ունեցող 2 587 706 ընտրող:

Երեւանում քվեարկելու իրավունք ունեցող 845 804 ընտրողից քվեարկությանը մասնակցել է 283 453 ընտրող կամ ընտրողների 33,51%-ը:

2012թ. մայիսի 6-ին՝ ժամը 14:00-ի դրությամբ, խորհրդարանական ընտրություններին մասնակցել էր ընտրողների ընդհանուր թվի 35,54%-ը, իսկ 2007թ.՝ 29,7%-ը: