Երեւան: Մեդիամաքս: ՀՀ արտակարգ իրավիճակների նախարար Դավիթ Տոնոյանն այսօր ընդունել է ՆԱՏՕ-ի գլխավոր քարտուղարի տեղակալ Ռոուզ Գոթեմյոլերին:
ԱԻՆ-ում նշել են, որ կողմերը քննարկել են ՆԱՏՕ-ի «Անհատական գործընկերության գործողությունների» ծրագրի շրջանակում ՀՀ ԱԻՆ-ի հետ համագործակցության ընդլայնման ու խորացման հնարավորությունները եւ նոր ուղղությունները:
Կողմերը դիտարկել են ՆԱՏՕ-ի հովանու ներքո տարածաշրջանում աղետներին դիմակայելու եւ արձագանքելու գործընթացում անդրսահմանային համագործակցության ակտիվացման հնարավորությունները:
Նախարարը շեշտել է, որ ԱԻՆ փրկարարական թիմերը պատրաստ են ակտիվ մասնակցություն ունենալ ՆԱՏՕ-ի հովանու ներքո կազմակերպվող վարժանքներին:
Ռոուզ Գոթեմյոլերն էլ նշել է, որ ՆԱՏՕ-ի օրակարգում նորովի է կարեւորվում քաղաքացիական պատրաստվածության եւ մարդածին աղետներին դիմակայունության բաղադրիչը եւ պատրաստակամություն հայտնել նպաստելու ՀՀ ԱԻՆ-ի եւ ՆԱՏՕ-ի համագործակցության խորացմանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: