Երեւան: Մեդիամաքս: Հուլիսի 25-27-ը պաշտոնական այցով Հայաստանում է Իսրայելի տարածաշրջանային համագործակցության նախարար Ցախի Հանեգբին (Tzachi Hanegbi):

ՀՀ ԱԳՆ-ում նշել են, որ նախատեսված են իսրայելցի պաշտոնյայի հանդիպումները Ազգային ժողովի նախագահ Արա Բաբլոյանի, վարչապետ Կարեն Կարապետյանի, տրանսպորտի, կապի եւ տեղեկատվական տեխնոլոգիաների ու գյուղատնտեսության նախարարների հետ:

Այսօր նախատեսված են Ցախի Հանեգբիի եւ ՀՀ ԱԳ նախարար Էդվարդ Նալբանդյանի բանակցությունները:

Մեդիամաքսը նշում է, որ սեպտեմբերի 10-13-ին էլ նախատեսված է Կնեսետի փոխխոսնակ Թալի Պլոսկովի գլխավորած պատվիրակության այցը Երեւան։